2011年1月26日 星期三

大肚之謎

大肚婆有好多野唔做得唔食得,個個人都言之鑿鑿好有道理咁,但可信性究竟有幾高呢?

1. 未過三個月唔講得畀人知

***但講得畀老細知,老細又會將未來既工作安排畀其他人做,除非其他人係傻仔又或者老細寧願犯法都堅持要呢段期間炒你je,否則咪一樣會通晒天,你唔講都唔得啦!

***仲有wo,人係指邊個先?父母老爺奶奶果d又算唔算?唔當佢地係人又驚畀雷劈,當佢地係人又會違反呢個原則,咁究竟講唔講得呢?

2. 唔食得羊同蛇,魚生,咖哩

***咁蒙古人、日本人、泰國人同印度人點算?

3. 唔可以去飲或者出席其他喜慶場合

***做白事就話怕傷心過度je,紅事都唔得?!驚開心得滯呀?!

做人難,做大肚婆仲難,仲要捱多一個月先可以通天呀...點算...

4 則留言:

laulong 提到...

真係有咗?恭喜恭喜!

卡臣 提到...

恭喜!

篤篤篤撐 提到...

未過三個月唔講得畀人知, 係因為三個冢月1都未算穗定, 驚食詐糊而變成的習俗。現代社會一定要講比老細知 ~

瑤姑 提到...

校長、卡臣:
多謝^^

篤篤兄:
其實明白點解,只係忍到口臭,hahaha