廿八方、產前爸媽課程、托腹帶、肚紋膏

作為一個新手上路的媽媽,我實在懶得無可再懶。到現時為止,我只係睇左好幾個媽媽的blog,睇下人地用左d乜野好用既東東咁大把。

廿八方: 聽朋友講的,話bbcare果度賣3000幾蚊,太貴,所以的起心肝去搵下條藥方,發現入面除左人蔘同鹿茸,其他都唔係好值錢既藥材,問過阿媽之後,決定叫阿媽去執。慳返既錢,阿媽話可以買d更靚既蔘

產前爸媽課程: 係睇找點事幹,之後再發現大部份作為新手爸媽既朋友都係呢間上course,寄左cheque去,等3月頭開班,但到而家都無回音收唔收我讀

托腹帶: 事前聽都無聽過,反而係bear返工時經過商場見到,之後帶我去揀。但原來無乜得揀,來來去去都係六甲村同埋另一隻日本牌子,荃灣babydaily買$150,做會員平左15蚊,非會員價係$165。之後睇到jusco都有得賣,但就$165。唔知係咪我得3個月多d,個肚未夠大,暫時覺得唔係好有用。

肚紋膏: 最初經facial師介紹,佢話搽玫瑰果油好過搽膏,於是去彩豐行買左支玫瑰果油,沖涼後未抹乾身時搽,效果ok,但d油既味好難聞。最後頂唔順都係去卓悅買左支Palmer's,方便d,搽果時又唔怕成身水會冷親,仲可以同阿b傾下計。而家兩樣都用,搽埋大脾同腳。

平野有好叮噹法寶系列-- Formula 10.0.6

人總有一個奇怪的心態,就是平野無好,這個很陰謀論的想法,在女人身上就更能夠彰顯出來: 唏,你用料差沒廣告不是大牌子好唔掂,才會收得這麼便宜,否則早就斷貨,有人爭才可以賣得高價錢啦!(通常還要很港女地多加一句: 經濟學的供求問題丫嘛,乜你唔識咩?!)

嗯...無疑這個想法是令人十分有安全感,如果搽爛面,大可以唱通街--嘩,呢隻野賣晒廣告搵晒明星做代言人都咁樣,唱衰佢先。okok...唱還唱,是否貴野搽爛面就會抵D?!平野搽爛面,就是自己攞嚟賤?!

既然兩隻都有機會搽爛塊面,何不試試又平又過癮的新東西? 有意外收穫更有成功感啦! 如果無效,用來搽手搽腳也很爽呀! (敗完家回來當然口響響)

先說右邊綠色那瓶潔面爽膚水,是從素顏天使那邊看到介紹文才去買的,介紹和用的沒差,果然是有好強的潔膚效果,抹一下面整塊化妝棉都變得灰灰黑黑。比起廣源良的洋甘菊噴霧,它的香氣也沒有這麼強烈。反而所說的沒酒精成份也就不算了,因為打開蓋已經有一點點酒精的味道,第一次用下去還有少許刺刺的感覺,加上酒精有收緊毛孔的功效,相信沒酒精也不太可能吧。

左邊那支是深層清潔面膜,是我一併買的,沒有看過什麼介紹。只是因為用開的shiseido的mask早就用完了,用了那麼久都想換一換。根據指示塗上面上待10分鐘就可洗去,一塗上去覺得有點刺刺的,之後有一點點繃緊,待10分鐘洗完面後就勁咯~!效果和shiseido沒差,很好很好,那只是1/3的價錢而已,購買又方便,稍大一點的萬寧就有售。

對於比較喜歡出外做facial的人,又或者寧願花錢在外頭做facial的,自家用的就不用那麼貴了,對不? 重點還是價錢又平功效又不俗的,比起花大錢買貴價貨來得開心。

洗面孖寶--shiseido aqualabel

一向都是shiseido的fans。

先是源於他們的purifying mask,因為我擁有油面乾底敏感暗啞易出暗瘡衰無可衰的皮膚,所以不能亂用護膚品,shiseido的purifying mask就很合用啦!沒有時間去做facial的日子,我會先敷個purifying mask,然後才敷一張paper mask,這樣都叫可以頂到兩三日啦,否則每天都要用塊油面去見人,自己望到都想嘔。

後來再用上purifying cleansing foam,適用於春夏之間,對我來說,在冬天用實在乾了一點,通常3個月用1支,大約3-6月用,之後就用body shop的維他命C磨砂潔面膏,又是用3個月左右,之後就轉用冬天可用的洗面奶了,至於是什麼牌子,也沒有定啦,總之不會太乾就好(但洗面奶通常都不會乾得到哪裡去)

最近purifying mask用光了,去到body shop剛巧維他命C缺貨了,於是就去Sasa買了這支shiseido aqualabel。其實早就想試一試這支號稱洗面能力超強兼有亮白凝土和玻尿酸成份的洗面膏。我對所有含粒粒,有點像磨砂的洗面膏實在不能抗拒,心理上總覺得這些粒粒是可以帶走皮膚內的污垢和油脂(!!!)而玻尿酸更加是保濕不能缺的成分,我買護膚品好多時都是死在玻尿酸的手上,連彩豐行我都試過呀,實在很瘋狂~

用了一星期,我覺得他比purifying cleansing foam更棒,首先是沒有那麼香,太香通常都是因為化學物太多,會容易引起敏感。其次保濕度也比purifying cleansing foam高,用完後塗上去暗瘡的toner和八杯水,早上睡醒時出油也沒那麼嚴重。還有還有,aqualabel比shiseido便宜得多了,是200多元和79元的分別哦!

又真係幾好wor

買呢幾支野果時,都無好大期望,只係覺得神仙水個concept用落頭髮係幾得意,加上成set野買有特價,就買左喇~

開初覺得好煩,加上洗得多,自然甩得多架啦。而家要過3次水喎,真係起碼洗次頭都無左一百幾廿條頭髮。

但好好彩,除左第一次洗之外,第二次開始,就真係甩少左好多頭髮,起碼唔再係成地都頭髮先。不過呢...如果要用晒4支野,每次沖涼加洗頭都要45分鐘,剩係個treatment mask又要扭乾頭髮又要等3分鐘都夠晒耐。

所以而家都係一星期先用個treatment mask同神仙水兩次,咪就係星期六日囉,平時就洗頭同用護髮素,咁樣都work wor!

用得過呀!!!真金白銀買架,唔係廣告黎架!!!