2011年2月28日 星期一

廿八方、產前爸媽課程、托腹帶、肚紋膏

作為一個新手上路的媽媽,我實在懶得無可再懶。到現時為止,我只係睇左好幾個媽媽的blog,睇下人地用左d乜野好用既東東咁大把。

廿八方: 聽朋友講的,話bbcare果度賣3000幾蚊,太貴,所以的起心肝去搵下條藥方,發現入面除左人蔘同鹿茸,其他都唔係好值錢既藥材,問過阿媽之後,決定叫阿媽去執。慳返既錢,阿媽話可以買d更靚既蔘

產前爸媽課程: 係睇找點事幹,之後再發現大部份作為新手爸媽既朋友都係呢間上course,寄左cheque去,等3月頭開班,但到而家都無回音收唔收我讀

托腹帶: 事前聽都無聽過,反而係bear返工時經過商場見到,之後帶我去揀。但原來無乜得揀,來來去去都係六甲村同埋另一隻日本牌子,荃灣babydaily買$150,做會員平左15蚊,非會員價係$165。之後睇到jusco都有得賣,但就$165。唔知係咪我得3個月多d,個肚未夠大,暫時覺得唔係好有用。








肚紋膏: 最初經facial師介紹,佢話搽玫瑰果油好過搽膏,於是去彩豐行買左支玫瑰果油,沖涼後未抹乾身時搽,效果ok,但d油既味好難聞。最後頂唔順都係去卓悅買左支Palmer's,方便d,搽果時又唔怕成身水會冷親,仲可以同阿b傾下計。而家兩樣都用,搽埋大脾同腳。

3 則留言:

篤篤篤撐 提到...

上去BABY KINKDOM睇LA, 好齊料

芷蔚 提到...

產前爸媽課程--> 你打電話去 reconfirm 啦, 佢地好多時都漏咗架.
托腹帶唔使咁早用, 個肚都唔係好大啫!
肚紋膏其實搽的時候都唔知有冇用, 而且搽咗都有龜裂啦, 不過我依家就真係冇肚紋囉.

瑤姑 提到...

篤篤師兄,
我有去睇呀,不過唔知點解好似無乜人講野咁

芷蔚,
今日打過去,佢話直情未收到我張form同cheque!!!但都寄左成個星期lu~