那個濕碎野奇多,但效果又真係奇大既中一camp已經搞掂去埋返黎得左。(拍手掌喇喂~~~~)
小朋友真係好可愛,但估唔到有咁多咁死要面既小朋友,其實佢地內裡都仲係一個可愛既小朋友,但因為實在太老積。(無辦法,都係迎合市場需要je,你睇萬寧妹妹幾受歡迎就知)
結果到左十二三歲,佢地既心態已經好似中年人咁執著要面小氣斤斤計較乜都齊。d阿爸阿媽仲以為阿仔好醒識計數唔會畀人蝦,實情係小朋友無晒童真,唔再可愛之餘,父母仲一定要保障自己,因為咁細個就識計數,大個又點會無條件地孝順你先?!
又要小朋友識計算,但又想佢地唔算自己,呢d父母既想法真係奇突兼低能。
用計數角度,搞呢d camp用咁多manpower同時間,實在好唔抵。但我既角度係救得一個得一個,去60個有1個成功,我已經當食左糊。何況今次係叫雙飛,真在令我好高興~
希望可以keep得住,唔好聽完就算。
題外話,我曬燶左,要日日返屋企倒模,加埋早上要化妝返工先可以見得人。但好可惜,我camp完除左呃1日病假(實在太攰又喉嚨痛呀)之外,每日都差唔多做到11:00先返到屋企,塞左d衫入洗衣機或者煲水第日飲之後,都已經要訓覺。所以我無時間理塊面喇,朝早化妝就得,黃面婆就係咁黎既~!
