2010年3月10日 星期三

好人好事

跛足了一星期,除了痛和趷趷下之外,所遇的好人好事也不少:

@樓下保安叔叔平時cool得很,但見到傷殘人士會主動撲去開門,還會叫我小心;反而平時好好口的看更阿嬸,依舊得把口打招呼但死都不肯伸出援手。(這個阿嬸好爆,過年時會按停部lift等你出平台給她利是!!!)

@小巴哥哥平時一身粗獷打扮,但原來非常細心。他會把車停到我面前(當時我拿著行山仗),上車後會待我坐下才問坐好未,先再開車。

@校長知我腳筋發炎後,叮囑我不要吃草菇和冬菇。(不過這些我平時也沒有吃)不過多疑的我,總覺得今次病假後,我會被炒...

@同事除了在facebook上問候我之外,有些平時很少傾計的同事,竟然會打電話給我,問有沒有工作需要幫手。雖然沒有,但我依然好感動。

@還有我在屯門的舊學生,竟然將探病包裝成課外活動,還在facebook上廣邀舊同事出席(?!)

@最後當然是大潘啤啤,原來我老公去到緊急關頭時,都幾體貼。

不過,我寧願早點返工...希望可以頂得住企幾小時,或者用繃帶紮著會好一點?!

7 則留言:

韻味熊貓 提到...

瑤姑:

我在醫院做完手術後,見過社工。那名女社工好犀利,睇穿心,知道我諗乜!我好驚見佢,覺得好似被佢解剖咁,無哂私隱!

瑤姑 提到...

我唔得架,邊有咁叻呀我~!

韻味熊貓 提到...

瑤姑:

乜咁謙虛?你無番兩度EQ,觀人入微,如何做社工?睇你個部落格寫啲野就知喇!嘻嘻!

瑤姑 提到...

但係要睇到好似解剖咁,真係做多十年八年先得,我仲好後生je..嘿嘿~

韻味熊貓 提到...

瑤姑:

做多十年八年,你可以去同人睇相和算命架喇!果陣時唔止係解剖,直頭係切片添呀!嘻嘻!

瑤姑 提到...

佛爺,
咁我會轉行喇,做屠夫~

韻味熊貓 提到...

瑤姑:

係精神屠夫啊1嘻嘻!