2010年3月14日 星期日

大發開心奇遇記

嗯嗯..我知道口講無憑,傾計無相無計傾,但今天的奇遇,真的要寫出來讓大家和我一同見識見識。

話說今天下午送走四大長老後,和潘啤去了元朗那個拿了金牌奶茶王的大發開心餐廳。明知星期日下午一定多人,所以去到都自動波搵位攝。一坐低,潘啤點了一個凍奶茶一個西多,小妹眼尖,哨到阿姐手上的茶餐餐牌有西多士餐,盛惠$22,比散叫平5蚊。問阿姐,阿姐即時反應令人噴飯,她竟然立即將餐牌收到身後,然後話「無茶餐喇」就揚長而去。huh?! 才4:00多呀?! 無茶餐?!那麼坐在餐廳內的人,全都是吃晚餐嗎?!

散叫了西多+凍奶茶,我就叫了一個瑞士汁雞翼餐,飲凍奶茶。不久貌似老細的中年阿叔拿來了一碟只得5隻雞翼(其中一隻黏著少許鑊撈),還有一件似麵粉炸出來但又乾又硬的東西放在我面前,更加上一段極之精彩的說話:

"益你呀,嗱,我唔夠雞翼,呢舊請你食既,係我地炸魚柳,好野黎架。(再指著雞翼的鑊撈)呢舊仲正,係雞翼入面最好食架"

"你心魔話好食就好食,""""""當佢"""""唔好食就唔好食架喇"

(拿走醬西多來的時候)"無心西多一件,無心食就食咩都唔好食啦"

給人吃垃圾,還有這麼多自以為是的廢話,相信全港只有他這一間王牌。

搭檯哥哥看不過眼,不斷和我一同窒頭窒勢:

"我拎張十蚊出黎,"""""當佢"""""係一百蚊紙,仲叫你唔使找得唔得?"

"呢度最出名唔係奶茶,係你囉阿叔,咁樣屈得就屈"

至於奶茶是否好飲呢...嗯...我覺得金華甚至新發都比他好得多吧?!我想假以時日,應該連大家樂也會更加好。

至少大家樂不會叫人克服心魔去食鑊撈啦...

2 則留言:

佛爺 提到...

瑤姑:

市區街邊的茶餐廳都未有咁差喎!

瑤姑 提到...

係呀,好多奶茶都好好遠,使乜去到咁遠,仲要受氣兼畀人當傻仔je?!